“Future Skills Uzbekistan” – respublika miqyosidagi onlayn tanlov

Oʻzbekiston Respublikasi axborot va kommunikatsion texnologiyalar vazirligi IT Park, Artel Group, RevoTech, Al-Xorazmiy ixtisoslashtirilgan maktabi bilan hamkorlikda “Future Skills Uzbekistan” respublikaviy tanlovi haqida maʼlum qiladi.

Tanlov ikki yoʻnalishda boʻlib oʻtadi:

  1. Muhandislik loyihalashtirish;
  2. Robototexnika.

Ishtirokchilar quyidagi yoʻnalishlarda oʻz loyihalarini taqdim qilishlari lozim boʻladi:

Muhandislik loyihalashtirish yoʻnalishlari:

▫️ Sanoatni avtomatlashtirish;
▫️ Qishloq xoʻjaligini (agrosanoat kompleksi) avtomatlashtirish;
▫️ Logistikani avtomatlashtirish;
▫️ Mashinasozlik;
▫️ Avtomobilsozlik;
▫️ 3D modellashtirish va prototiplashtirish.

Robototexnika yoʻnalishlari:

▫️ Tibbiyot robotlari;
▫️ Maishiy robotlar;
▫️ Manipulyatorlar;
▫️ Androgen robotlar;
▫️ Robosimulyatorlar.

Tanlov ikki bosqichga boʻlinadi. Birinchisi – saralash, 2020-yilning 15-avgustidan 15-sentyabriga qadar boʻlib oʻtadi. Ikkinchisi – final boʻlib, 2020-yilning 18-sentyabridan 20-sentyabrga qadar oʻtkaziladi.

Tanlovda 30 yoshgacha boʻlgan istalgan shaxs qatnashishi mumkin.

Kichik yoshdagi ishtirokchilar guruhi – 15 yoshgacha.

Katta yoshdagi ishtirokchilar guruhi – 30 yoshgacha.

Roʻyxatdan oʻtish 2020-yilning 24-iyulidan 1-sentabr (shu kuni ham) qadar quyidagi havola boʻyicha boʻlib oʻtadi: https://forms.gle/R2bYPGscjxDDyWPv6

👉 Tanlov haqida yanada batafsil maʼlumot: https://futureskills.uz/

Leave a Reply