al-Xorazmiy Maktabga qabul tartibi

Qabul jarayoni

Muhammad al-Xorazmiy nomidagi axborot kommunikatsiya texnologiyalari yo‘nalishiga oid fanlarni chuqurlashtirib o‘qitishga ixtisoslashtirilgan maktabiga qabul, O‘zbekiston Respublikasi Prezidentining 2017-yil 14-sentabrdagi PQ 3274-sonli qaroriga asosan 5-sinfdan boshlab, imtihon asosida amalga oshiriladi.

Ta'lim shakli

Muhammad al-Xorazmiy nomidagi axborot texnologiyalariga ixtisoslashtirilgan maktabning ta’lim shakli kunduzgi bo’lib ta’lim jarayonlari 8:30 dan 16:00gacha belgilangan.

O'quvchilar

2019-2020 o‘quv yilida 5- sinfdan 11-sinfgacha bo’lgan 656 nafar o‘quvchi ta’lim oldi.

Bitiruvchilar

2019-2020 o‘quv yili yakuniga ko‘ra 106 nafar 11-sinf o‘quvchilari maktabni tamomlashdi va ulardan 42 nafar o‘quvchi Xalqaro Universitetlarga kirish imtihonlaridan muvaffaqiyatli o‘tishdi.

Qabul imtihonlarida ishtirok etish tartibi

Ro'yxatdan o'tish

Onlayn ro’yxatdan o’tish tartibi ictschool.uz elektron manzili orqali amalga oshiriladi.

SMS xabar

Ro’yxatdan muvaffaqiyatli o’tgan ishtirokchilarga sms tarzida shaxsiy login va parol yuboriladi.

Imtihon

Onlayn imtihon 2 bosqichda bo’lib o’tadi.
1-bosqich matematika va ingliz tili fanlaridan onlayn test sinovi va onlayn mantiqiy masalalar yechish.

5-sinf uchun – 25-sentabr

6-sinf uchun – 26-sentabr

1-bosqich matematika, fizika va ingliz tili fanlaridan onlayn test sinovi va onlayn mantiqiy masalalar yechish.

7 sinf uchun – 27-sentabr

8 sinf uchun – 28-sentabr

9 sinf uchun – 29-sentabr

Birinchi bosqichda jami ishtirokchilardan 1 o‘ringa 3 nafargacha talabgor o‘quvchilar saralab olinadi.

Birinchi bosqichda 5-sinf uchun 360, 6-sinf uchun 180, 7-sinf uchun 180, 8-sinf uchun 180, 9-sinf uchun 90 nafar, jami 990 nafar yuqori ball olgan o‘quvchi ikkinchi bosqich imtihoniga o‘tkaziladi.

2-bosqich:

Birinchi bosqichdan muvaffaqiyatli o‘tgan o‘quvchilar uchun ularning sinflaridan kelib chiqib, matematika, fizika va ingliz tili fanlaridan ZOOM dasturi orqali onlayn suhbat o‘tkaziladi:

5 sinf uchun – 5-6-oktabr

6 sinf uchun – 7-oktabr

7 sinf uchun – 8-oktabr

8-9 sinflar uchun – 9-oktabr.

Ikkinchi bosqich imtihonida ingliz tili fanidan 1 ta mavzu bo‘yicha o‘qish, tarjima qilish va suhbatlashish mahorati sinovdan o‘tkaziladi, matematika va fizika fanlaridan esa 2 tadan misol ishlanadi.

Imtihonda ishtirok etish talablari

O‘quvchilarning ota-onasi yoki ota-onasining o‘rnini bosuvchi shaxslar quyidagi talablarni bajarishi shart:
– ro‘yxatdan o‘tish vaqtida o‘quvchining ID ko‘rsatib yuborilgan SMS xabarni qabul qiluvchi telefon raqamni aniq ko‘rsatilishi;
– veb-ilova orqali uydan yoki infrastruktura mavjud bo‘lgan istalgan joydan o‘quvchi imtihonga qatnasha olishi uchun Internet tarmog‘i bo‘lgan hamda ZOOM ilovasi o‘rnatilgan kompyuter yoki planshet yoki smartfon bilan ta’minlashi;
– o‘quvchiga tarmoq orqali sinovlarda qatnashishga tayyorlashi.

Ixtisoslashtirilgan maktabga saralash imtihonlarida ishtirok etish uchun hujjatlar davlat va nodavlat umumiy o‘rta ta’lim muassasalarining tartibli bosqichdagi sinflarini muvaffaqiyatli “4” va “5” baholariga tamomlagan o‘quvchilardan qabul qilinadi.

O‘quvchining taqdim etgan hujjatlari haqqoniyligi va farzandining sinovlarda shaffof ishtirokini taʼminlash ota-ona zimmasiga yuklatiladi.

Imtihon jarayoni Biz bilan bog'lanish

Imtihon muddatlari

O’quv yili	Hujjat topshirish muddati	Imtihon kuni
2020/2021	10-sentabrdan 20-sentabrgacha	25-sentabrdan 9-oktabrgacha

Kerakli hujjatlar

1. O‘quvchining tug‘ilganligi haqida guvohnoma (pdf-10Mb oshmagan holatda).
2. 2019-2020 o‘quv yilini “4”va “5” baholarga bitirganligini tasdiqlovchi o‘quvchining tabeli. Maktab direktori tomonidan tasdiqlangan bo‘lishi kerak (pdf-10Mb oshmagan holatda).
3. 3/4 Rasm (jpg/png/jpeg-formatida).

Toshkent shahar, Yashnabod tumani, Mahtumquli ko’chasi
Call-Center: 1206
(Ish vaqti 08:00dan – 20:00gacha)